കോളേജ് കഴിഞ്ഞു നിൽക്കുന്ന സമയത്താണ് ഒരു കൂട്ടുകാരൻ adsense എന്ന ഗൂഗിളിന്റെ പദ്ധതിയെപ്പറ്റി പറയുന്നത്. അവനു സിനിമയുടെ വാർത്തകളും നടിമാരുടെ ചിത്രങ്ങളും മറ്റും ഇടുന്ന ഒരു വെബ്സൈറ്റ് ഉണ്ട്. കുറച്ചു വർഷങ്ങൾ ആയിട്ട് അതിൽ നിന്ന് അവനു വരുമാനവും ഉണ്ടെന്ന് കേട്ടതോടെ എനിക്ക് വലിയ ആവേശമായി. ആ സമയം അറിയാമല്ലോ, എങ്ങനെയെങ്കിലും കാശ് ഉണ്ടാക്കുക എന്ന് മുട്ടി നിൽക്കുന്ന സമയമാണ്. ആദ്യമെ വെബ്സൈറ്റ് ഒന്നും വേണ്ട ഗൂഗിളിന്റെ തന്നെ ബ്ലോഗ്ഗർ എന്ന അപ്ലിക്കേഷൻ ഉപയോഗിച്ചാൽ മതിയെന്ന ഉപദേശവും അവൻ തന്നു. ആ ഇടയ്ക്ക് തന്നെ ലക്ഷങ്ങൾ ഉണ്ടാക്കുന്ന ബ്ലോഗ്ഗർമാരെ പറ്റിയും ലേഖനങ്ങൾ വായിക്കാൻ ഇടയായി. പക്ഷെ എന്ത്‌ എഴുതും എന്നൊന്നും ഒരു പിടിയുമില്ല. ആകെ കയ്യിൽ ഉള്ളത് പലപ്പോഴായി ഉണ്ടാക്കിയ ചില വസ്തുക്കളാണ്. കോളേജിൽ ചെയ്ത പ്രൊജക്റ്റും മറ്റുമൊക്കെ ഇട്ട് ബ്ലോഗ് ആരംഭിച്ചു. 2-3 പോസ്റ്റ്‌ ഇട്ടതിനു ശേഷം പിന്നീട് ഇടാൻ കയ്യിൽ ഒന്നുമില്ല. ഇലക്ട്രോണിക്സ് എഞ്ചിനീയറിംഗ് പഠിച്ചു എന്നല്ലാതെ സ്വന്തമായി circuit ഉണ്ടാക്കാനോ ഒന്നും അറിയില്ല. എന്നാലും എന്റെ ചായ്‌വ് മുഴുവൻ അങ്ങോട്ട് ആയിരുന്നു. അറിയില്ലെങ്കിലും ഭാവനയിൽ നിന്നെല്ലാം കുറച്ചു circuit ഞാൻ ഉണ്ടാക്കി. അങ്ങനെ കുറച്ചു content ആയപ്പോൾ adsens അക്കൗണ്ട് കിട്ടാൻ അപേക്ഷ കൊടുത്തു. അന്ന് അത് കിട്ടാൻ വലിയ പാടാണ്. അതിന്റെ തീരുമാനം വരാൻ മാസങ്ങൾ എടുക്കും എന്നറിഞ്ഞപ്പോൾ എന്റെ പ്രതീക്ഷകൾ അസ്തമിച്ചു. പിന്നീട് അത് നോക്കാതെയായി. കുറച്ചു മാസങ്ങൾ കഴിഞ്ഞു വെറുതെ ഒന്ന് നോക്കിയപ്പോൾ ഞാൻ…

വെറുതെ തോന്നിയ ഒരു ആശയം കൊണ്ട് കുറെ കാശ് പോകുന്നത് കണ്ടിട്ടുണ്ടോ, അങ്ങനെ ഒരു കഥയാണ് ഇത്. Makeyourcards ഒറ്റയ്ക്കു എല്ലാം ചെയ്ത് കുറച്ചു ഓടിച്ചപ്പോൾ ഒരുപാട് ആത്മവിശ്വാസം തോന്നി, അതിന്റെ കൂടെ കുറച്ചു അബദ്ധങ്ങളും അറിവില്ലായ്മയും കൂടി ചേർന്നപ്പോൾ സംഭവിച്ചതാണ് ഇത്. ഒറ്റയ്ക്കു ഇത്രയും ചെയ്യാൻ കഴിഞ്ഞെങ്കിൽ ഒരു ടീം കൂടെ ഉണ്ടെങ്കിൽ ഇതിലും ഒരുപാട് ചെയ്യാൻ പറ്റുമല്ലോ എന്ന ചിന്തയിൽ നിന്ന് കുറച്ചു സ്റ്റാഫിനെ ഒക്കെ വച്ചു ചെയ്തു ചീറ്റിപ്പോയ പ്രൊജക്റ്റ്‌ ആണിത്. അത്‌ എന്തുകൊണ്ട് അങ്ങനെ പോയെന്നും എന്തായിരുന്നു ശരിക്കും ചെയ്യേണ്ടി ഇരുന്നത് എന്നുമെല്ലാം ഇപ്പോൾ അറിയാം. ഒരു പ്രിത്യേക സാഹചര്യത്തിൽ എനിക്ക് സ്വന്തമായി ഒരു ഓഫീസും സ്വന്തം സംരംഭം എന്ന ലേബലും ആവശ്യമായി വന്നു. ഒറ്റയ്ക്ക് ചെയ്യാനുള്ള ധൈര്യം ഇല്ലാതിരുന്നത് കൊണ്ട് ഒരു പാർട്ണറെ കൂടെ കൂട്ട് പിടിച്ചാണ് ഇത് ചെയ്തത്. എല്ലാ ജിംനേഷ്യവും എളുപ്പത്തിൽ മാനേജ് ചെയ്യാൻ കഴിയുന്ന ഒരു ആപ്പ് ഉണ്ടാക്കുക എന്നതായിരുന്നു എന്റെ ആശയം. Makeyourcards ചെയ്തത് പോലെ ഞാൻ തന്നെ ആദ്യമെ ഇരുന്നു ഉണ്ടാക്കാൻ തുടങ്ങി. പ്ലാൻ ഒന്നുമില്ല എന്നതാണ് അവിടെ പ്രശ്നം. Makeyourcards ഉം അങ്ങനെ തന്നെ ആയിരുന്നു ചെയ്തത്. ഇടക്ക് പൊളിച്ചും മാറ്റി ചെയ്തും അങ്ങനെ കുറച്ചു സമയം വേണ്ടിവരുന്ന രീതി ആണത്. പക്ഷെ അങ്ങനെ ചെയ്തു വരുമ്പോൾ സമയം ഒരുപാട് പോകുന്നത് കണ്ടിട്ട് എന്റെ പാർട്ണർ മുൻകൈ എടുത്ത് സ്റ്റാഫിനെ എടുത്തു. അതും ഈ പ്രൊജക്റ്റ്‌ മാത്രമല്ല,…

കൊറോണ പടർന്നു പിടിച്ച സമയത്ത് സർക്കാർ മദ്യപാനികൾക്ക് വേണ്ടി ഒരു ആപ്പ് പുറത്ത് ഇറക്കിയിരിന്നു. അതിന്റെ ടെൻഡർ വിളിച്ചതും കൊടുത്തതും ഒന്നും അറിഞ്ഞിരുന്നില്ല, ഏതാണ്ട് എന്റെ പോലുള്ള ഒരു കമ്പനിക്കാണ് അതിന്റെ ടെൻഡർ കിട്ടിയത്. അതിന്റെ ഫൗണ്ടർമാരെ എനിക്ക് നേരിട്ട് പരിചയം ഇല്ലെങ്കിലും അവരെ അറിയാം. അങ്ങനെ ഒരു സാധനം ഇറങ്ങാൻ പോകുന്നത് കണ്ടപ്പോൾ എനിക്കും ഒരെണ്ണം പ്ലാൻ ചെയ്യാൻ തോന്നി. എന്നാൽ അവർ ചെയ്തതിലും കൂടുതൽ കുറച്ചു കാര്യങ്ങൾ ഇതിലേക്ക് കൂട്ടിച്ചേർത്താൽ നന്നായിരിക്കും എന്ന് തോന്നി. ഇതിൽ ബുക്ക്‌ ചെയ്യാൻ പോകുന്ന ആൾക്ക് തന്റെ അടുത്തുള്ള ഏത് കൗണ്ടറിൽ ചെന്നാലും തനിക്ക് ടോക്കൺ കിട്ടാൻ പോകുന്ന സമയം കൂടി അറിയാൻ പറ്റും.. അതുകൊണ്ടുള്ള ഗുണം ഏത് നരകത്തിൽ ചെന്നിട്ടായാലും വേണ്ടിയില്ല എനിക്ക് പെട്ടെന്ന് സാധനം കിട്ടണം എന്ന് ആഗ്രഹം ഉള്ള ചേട്ടന്മാർക് അങ്ങനെ പെട്ടെന്ന് കിട്ടുന്ന നരകം കാണിച്ചു കൊടുക്കാലോ… അവർക്ക് ദൂരം ഒന്നും പ്രശ്നം ആയിരിക്കില്ല… പിന്നെ വേറെ ഒരു കൂട്ടരുണ്ട് എന്തൊക്ക വന്നാലും എനിക്ക് എന്റെ അടുത്തുള്ള സ്ഥലത്തു നിന്ന് തന്നെ മതി… അതിപ്പോൾ എത്ര താമസിച്ചാലും കുഴപ്പമില്ല.. അങ്ങനെ ഉള്ള മടിയന്മാരെയും നമ്മൾ പരിഗണിക്കണമല്ലോ.. ഇനിയും ഉണ്ട് താൻ വലിയ ഒരു കുടിയൻ ആണെന്ന് സ്വയം ഒരു തോന്നൽ ഉണ്ടാവണേൽ ഇതുവരെ വാങ്ങിച്ചു കൂട്ടിയതിന്റെ ഒരു ‘ History ‘ കാണുന്നത് നല്ലതാ.. അതും ഇതിലുണ്ട്… വല്ലപ്പോഴും അത് തന്നെ തുറന്നു വന്നു.. ” മുതലാളി.. പറയുന്നത്കൊണ്ട്…

എന്റെ രണ്ട് സംരംഭങ്ങൾ പരാജയപ്പെട്ടു നിന്ന അവസ്ഥയിൽ നിന്ന് കരകയറാൻ ഒരുപാട് സഹായിച്ച ഒരു പ്രൊജക്റ്റ്‌ ആയിരുന്നു My Parish Diary. എല്ലാ കത്തോലിക്കാ പള്ളികളിലും വർഷവർഷങ്ങളിൽ ഡയറക്ടറി പുസ്തക രൂപത്തിൽ പ്രിന്റ് ചെയ്തു ഇറക്കുന്ന പതിവുണ്ട്. ചില വർഷങ്ങളിൽ ഇടവക ജനങ്ങളുടെ മുഴുവൻ വിവരങ്ങൾ അടങ്ങിയ വലിയ ഡയറക്ടറികളും ഇത്തരത്തിൽ ഇറക്കാറുണ്ട്. ഓരോ കുടുംബങ്ങളുടെ പേരും അംഗങ്ങളുടെ ഫോട്ടോകളും മറ്റും അടങ്ങിയ ഇത്തരം ഡയറക്ടറി പക്ഷെ ചിലവ് ഏറിയ ഒന്നാണ്. മാത്രമല്ല ഒരിക്കൽ പ്രിന്റ് ചെയ്താൽ പിന്നീട് എന്തെങ്കിലും അപ്ഡേറ്റ് ചെയ്യുക എന്നത് സാധ്യവുമല്ല. ഉദ്ദേശം എട്ട് പത്തു ലക്ഷം രൂപ മുടക്കി ഇറക്കുന്ന ഈ ഡയറക്ടറി ഒരു വർഷം കഴിയുമ്പോൾ തന്നെ ഉപയോഗശൂന്യമാകും. ഇതിന് ഒരു പരിഹാരം എന്ന രീതിയിലാണ് ഒരു ഓൺലൈൻ ഡയറക്ടറി എന്തുകൊണ്ട് നിർമ്മിച്ചുകൂടാ എന്ന ചിന്ത എനിക്ക് വരുന്നത്. എപ്പോൾ വേണമെങ്കിലും എന്ത്‌ വിവരങ്ങൾ വേണമെങ്കിലും കൂട്ടി ചേർക്കുകയോ തിരുത്തുകയോ ചെയ്യാം. അങ്ങനെ ഒരു ഇടവകയ്ക്ക് വേണ്ടി ഡയറക്ടറി നിർമ്മിക്കാൻ തുടങ്ങിയപ്പോൾ അതിലേക്ക് ഒരുപാട് കാര്യങ്ങൾ കൂട്ടിച്ചേർക്കാൻ എനിക്ക് കഴിഞ്ഞു. ഇടവകയിലെ അറിയിപ്പുകളും വാർത്തകളും പെരുന്നാൾ പോലെയുള്ള വിശേഷ അവസരങ്ങളുടെ വിവരങ്ങളും അതുപോലെ ഇടവകയുടെ ചരിത്രവും മറ്റ് വിവരങ്ങളും ഉൾപ്പെടുത്തിയാൽ ഉപകരിക്കും എന്ന് തോന്നി. അടുത്തതായി ഇത് ഒരു ഇടവകയ്ക്ക് മാത്രമല്ല എത്ര ഇടവക വേണമെങ്കിലും ഉൾക്കൊള്ളാൻ കഴിയുന്ന ഒരു പോർട്ടൽ ആക്കി മാറ്റാൻ കഴിയും എന്ന ആശയം കിട്ടി. അതിന് ശേഷമാണ് ഒരു മൊബൈൽ…

2015 ൽ സോഫ്റ്റ്‌വെയർ ഡെവലപ്പർ ആയി ജോലി ചെയ്യുന്ന സമയത്ത് എനിക്ക് മറ്റൊരു ടീമിന്റെ കൂടെ ഭാഗമായി ചെയ്യാൻ അവസരം ലഭിച്ച പ്രൊജക്റ്റ്‌ ആയിരുന്നു Ave Maria Rosary App. App ഉണ്ടാക്കാൻ പഠിക്കണം എന്നാഗ്രഹിച്ചു ഇരിക്കുന്ന സമയത്ത് തന്നെയാണ് ഇങ്ങനെ ഒരു അവസരം ലഭിച്ചത്. രണ്ടാമത് ഒന്ന് ആലോചിക്കാതെ തന്നെ ഞാൻ കൂടെ ചേരാൻ തീരുമാനിച്ചു. ജപമാല പ്രാർത്ഥന ചൊല്ലുന്ന ഒരു ആപ്പ് അതായിരുന്നു ഞങ്ങളുടെ പ്രൊജക്റ്റ്‌. ഞാൻ ഗൂഗിൾ നോക്കിയപ്പോൾ അത്തരം ഒരുപാട് ആപ്പുകൾ നിലവിൽ ഉള്ളതായി കണ്ടു. അങ്ങനെ ഉള്ള സ്ഥിതിക്ക് നമ്മൾ ഒരെണ്ണം കൂടി ഉണ്ടാക്കുന്നതിന്റെ ഉപയോഗം എന്താണെന്ന് ഉള്ള എന്റെ ചോദ്യത്തിന് ആ പ്രൊജക്റ്റ്‌ പ്ലാൻ ചെയ്ത ആളുടെ മറുപടി എനിക്ക് വളരെ വിലപ്പെട്ട ഒരു അറിവായിരുന്നു. അദ്ദേഹം പറഞ്ഞത് നിലവിൽ ഒരുപാട് ഉണ്ടായിരിക്കും എന്നാൽ നമ്മൾ പ്ലാൻ ചെയുന്നത് അതിലും ഒരുപാട് മെച്ചപ്പെട്ടതാണ്. ഒത്തിരി ഫീച്ചറുകൾ കൂടുതൽ ഉണ്ട്, കാണാൻ കുറച്ചു കൂടെ നല്ലതാണ്.. ഉപയോഗിക്കാനും വളരെ എളുപ്പവും സുതാര്യവും ആണ്. ഇത് ഉറപ്പായും വിജയിക്കും. അത് ചെയ്ത്‌ പൂർത്തി ആയപ്പോൾ എനിക്ക് പിന്നെയും ഒരുപാട് കാര്യങ്ങൾ പഠിക്കാൻ കഴിഞ്ഞു. ആപ്പ് പ്രോഗ്രാം ചെയ്യാൻ പഠിക്കണം എന്ന ആഗ്രഹം ഞാൻ അവിടെ ഉപേക്ഷിച്ചു. അത് പ്രോഗ്രാം ചെയുന്നതിലും നല്ലത് പ്ലാൻ ഉണ്ടാക്കാൻ പഠിക്കുന്നതാണെന്ന് എനിക്ക് മനസിലായി. നല്ല പ്ലാൻ ആണ് അതിന്റെ നട്ടെല്ല്. അത് ഉണ്ടെങ്കിൽ പിന്നെ പ്രോഗ്രാം ചെയ്യാൻ അറിയാവുന്നവരെ കൊണ്ട് ഉണ്ടാക്കിപ്പിക്കാൻ…