കേരളത്തിൽ ഉരുൾ പൊട്ടാൻ സാധ്യതയുള്ള സ്ഥലങ്ങൾ അടയാളപെടുത്തിയ ഒരു മാപ്പ് കഴിഞ്ഞ ദിവസം ശ്രദ്ധയിൽ പെട്ടിരുന്നു. അങ്ങനെയെങ്കിൽ അവിടെ കുറച്ചു കൂടി പരിശോധന നടത്തിയാൽ മണ്ണിന്റെ ഘടന, എത്രത്തോളം മഴ വരെ ആ മണ്ണ് താങ്ങും, അഥവാ ഉരുൾ പൊട്ടിയാൽ ഏത് വഴിക്ക് ആയിരിക്കും അത് ഒഴുകുക തുടങ്ങിയ കാര്യങ്ങൾ കൂടി കണ്ടെത്താൻ കഴിയില്ലേ. ഉരുൾ പൊട്ടാതിരിക്കാൻ മരങ്ങൾ നടണമെന്ന് പരിസ്ഥിതിവാതികൾ പറയുന്നുണ്ട് എന്നാലും ഇപ്പോൾ വയനാട് മരങ്ങൾ ധാരാളം ഉള്ള മേഖലയിൽ നിന്നാണ് ഉരുൾ പൊട്ടിയത്. മരത്തിനു വേരുള്ളതിന്റെയും താഴെ നിന്നാണ് മണ്ണ് ഒലിച്ചു പോന്നത്. ആയതിനാൽ എന്റെ ആശയം ഇപ്രകാരമാണ്, നമ്മൾ നാട്ടിൽ ഫ്ലാറ്റ് ഒക്കെ പണിയുമ്പോൾ മണ്ണ് പരിശോധിച്ച് താഴേക്ക് കോൺക്രീറ്റ് തൂണുകൾ സ്ഥാപിക്കുമല്ലോ. ഇതുപോലെ ഉരുൾ പൊട്ടാൻ സാധ്യത ഉള്ള മേഖലകളിലും ഇരുപതോ അമ്പതോ അടി താഴ്ച്ചയിൽ നിശ്ചിത അകലത്തിൽ എണ്ണത്തിൽ മണ്ണിൽ താഴ്ന്നു കിടക്കുന്ന രീതിയിൽ കോൺക്രീറ്റ് തൂണുകൾ സ്ഥാപിച്ചാൽ ഒരുപക്ഷെ അത് മണ്ണിന്റെ ബലം വർദ്ധിപ്പിക്കില്ലേ.. അതുപോലെ പുഴയുടെ ഒഴുക്കിനെ മോണിറ്റർ ചെയ്ത് കൂടുതൽ വെള്ളം വന്നാലും സുഖമമായി ഒഴുകാൻ പാകത്തിന് ആഴവും നൽകി വളവുകൾ പറ്റുന്നത് പോലെ നികത്തിയാൽ ഈ ദുരന്തങ്ങളെ ഒരു പരിധി വരെയെങ്കിലും ചെറുക്കാൻ നമ്മളെകൊണ്ട് ആകില്ലേ… ഇതൊന്നും അത്ര നിസാര പരിപാടി അല്ല എന്നിരുന്നാലും, ചില മണ്ടൻ ചിന്തകളിൽ നിന്നാണ് വലിയ കണ്ടുപിടിത്തങ്ങൾ ഉണ്ടായതെന്ന് കേട്ടിട്ടുണ്ട്.

Letters and Destinations ഇവിടെ മറ്റ് ആരുടേയും സഹായം ആവശ്യമില്ല എന്നാൽ നമ്മൾ കുറച്ചു കൂടുതൽ കഷ്ടപ്പെടേണ്ടി വരുന്നതാണ്. ഇവിടെയും നോക്കേണ്ടത് ഇതാണ്, Happy Birthday Name, എത്ര അക്ഷരങ്ങൾ ഉണ്ടെന്നു നോക്കുക. അത്രയും സ്ഥലങ്ങൾ കണ്ടുപിടിക്കുക. അവിടെ പോയി അവിടെ നിന്ന് തന്നെ കിട്ടുന്ന വസ്തുക്കൾ കൊണ്ട് ഓരോ അക്ഷരങ്ങൾ ഉണ്ടാക്കാൻ ശ്രമിക്കുക, ഇനി അങ്ങനെ ഉണ്ടാക്കാൻ അറിയില്ലെങ്കിൽ പ്രിന്റ് ചെയ്ത കാർഡുകൾ തന്നെ ഉപയോഗിക്കാം. നിങ്ങൾ അത് പിടിച്ചു നിൽക്കുന്ന ഫോട്ടോ ആ സ്ഥലം ഏതാണോ അതിന് പശ്ചാത്തലമായി നിന്ന് എടുക്കുക. തുടർന്ന് എല്ലാ ഫോട്ടോകളും ഒരുമിച്ചു ഒരു കാർഡ് ആക്കി അത് ഗിഫ്റ്റായി നൽകാം. വെറുതെ കടയിൽ നിന്നു എന്തെങ്കിലും വാങ്ങി നൽകുന്നതിലും നൂറ് ഇരട്ടി ഇമ്പാക്ട് ആയിരിക്കും ഇത്തരത്തിൽ കഷ്ടപ്പെട്ട് നൽകുന്ന ഒരു സമ്മാനത്തിന് ഉണ്ടാവുക. മറ്റ് ആരുടേയും സഹായം ആവശ്യമില്ല എന്നാലും ഒന്ന് രണ്ട് മാസത്തെ കഷ്ടപ്പാട് ആയിരിക്കും Alternate option മുകളിൽ പറഞ്ഞതിന്റെ തന്നെ മറ്റൊരു വേർഷൻ ആണ് സുഹൃത്തുക്കളെ അല്ലെങ്കിൽ ബന്ധുക്കളെ കൂടെ കൂട്ടി മുകളിൽ പറഞ്ഞ കാര്യം തന്നെ ചെയ്താൽ. നമ്മളുടെ എല്ലാം ബന്ധുക്കൾ അല്ലെങ്കിൽ സുഹൃത്തുക്കൾ വിദേശ രാജ്യങ്ങളിൽ ഉണ്ടായിരിക്കുമല്ലോ. അവരെ ഓരോരുത്തരെയും ഉപയോഗിച്ച് ഇത്തരത്തിൽ അക്ഷരങ്ങൾ പ്രിന്റ് ചെയ്ത കാർഡുകൾ പിടിച്ചു നിൽക്കുന്ന ഫോട്ടോ എടുത്ത് എല്ലാം ഒരുമിച്ചു കൂട്ടി ഒരു ഫ്രെയിം ആയി നൽകാം. ബിർത്തഡേ എന്നതിൽ ഉപരിയായി അച്ഛന്റെയും അമ്മയുടെയും വിവാഹ വാർഷികം അല്ലെങ്കിൽ മുത്തച്ഛന്റെയും…

ജന്മദിനമോ വിവാഹ വാർഷികമോ എന്തെങ്കിലും വിശേഷ ദിവസം ആയിക്കൊള്ളട്ടെ, തീയറ്ററിൽ സിനിമ കണ്ടുകൊണ്ട് ഇരിക്കുമ്പോൾ ഇടയിൽ പരസ്യം വരുമല്ലോ. സിനിമ തുടങ്ങുന്നതിനു മുൻപും ഇടവേള കഴിയുമ്പോഴും ഇത്തരത്തിൽ പരസ്യം കാണിക്കാറുണ്ട്. എന്നാൽ പരസ്യത്തിന് പകരം നിങ്ങളുടെ ചിത്രം ഉൾപ്പെടെ ഒരു ആശംസ സ്‌ക്രീനിൽ പ്രത്യക്ഷപ്പെട്ടാൽ എങ്ങനെ ഉണ്ടാകും, ഒന്ന് ഞെട്ടില്ലേ. അതിന് വഴിയുണ്ട്, പരസ്യം കൊടുക്കുന്നത് പോലെ തന്നെ ആശംസകൾ സ്‌ക്രീനിൽ വരുത്താനും കഴിയും. തീയേറ്ററിന്റെ ആളുകളുമായി മുൻകൂട്ടി സംസാരിച്ചാൽ നിസാരമായി ചെയ്യാൻ കഴിയുന്ന കാര്യമാണ്. ഡിസൈൻ നമ്മൾ തന്നെ തയാറാക്കി 2-3 ദിവസം മുൻപ് തന്നെ നൽകണം. വീഡിയോ ആണെങ്കിൽ ഒരു മാസം എങ്കിലും മുൻപ് നൽകണം കാരണം വീഡിയോ സെൻസർ ചെയ്യാതെ സ്‌ക്രീനിൽ പ്രദർശിപ്പിക്കാൻ കഴിയില്ല. അതിന് ചിലവ് വളരെ കൂടുതൽ ആയിരിക്കും. ഏതാണ്ട് ഒരു 10 – 15 സെക്കന്റ്‌ ഫോട്ടോ പ്രദർശിപ്പിക്കാൻ 4000 മുതൽ 10000 വരെ ചിലവ് വന്നേക്കാം. ചിലവ് തിയേറ്റർ എവിടെയാണ് എന്നതിന് അനുസരിച്ചാണ്. മെട്രോ നഗരങ്ങളിൽ ചാർജ് വളരെ കൂടുതലാണ്. ചിലപ്പോൾ ഫോട്ടോ അല്ലെങ്കിൽ വീഡിയോ J2k എന്ന ഫോർമാറ്റിൽ നൽകേണ്ടി വരും. അത് ഇത്തിരി പ്രയാസം ഉള്ള കാര്യമാണ്. ഇത്രയും ചിലവും മെനക്കേടും ഉണ്ടെങ്കിലും അതിന്റെ ഇമ്പാക്ട് വളരെ വലുതാണ്. വിശേഷ ദിവസം സിനിമ കാണാൻ പോകാം എന്ന രീതിയിൽ യാതൊരു പ്രയാസവും കൂടാതെ വേണ്ട ആളെ നമ്മൾ ഉദ്ദേശിക്കുന്ന സമയത്ത് എത്തിക്കാൻ കഴിയും.

നമ്മുടെ നാട്ടിൽ ഒരുപാട് പേര് വീട്ടിൽ ഇരുന്നു നല്ല നല്ല കേക്ക് ഉണ്ടാക്കി വിൽക്കുന്നുണ്ട്. നമ്മൾ അറിയാത്തവരും ഉണ്ട്, അത് മാത്രമല്ല അവരുടെ അടുത്ത് എത്ര തരം വെറൈറ്റി ഉണ്ടെന്നും അതിന്റെ വിലയും എല്ലാം അറിയണേൽ എല്ലാവരെയും വിളിച്ചു ചോദിക്കാൻ ബുദ്ധിമുട്ട് ആയിരിക്കും. അവരുടെ പേജിലും മറ്റും പട്ടിക ഉണ്ടെങ്കിലും അത് പഴയത് ആകുമ്പോൾ എളുപ്പത്തിൽ അപ്ഡേറ്റ് ചെയ്യാനും കഴിയില്ല. ഇങ്ങനെ കേക്ക് വിൽക്കുന്നവരെ എല്ലാം കൂട്ടി ചേർത്ത് ഒരു പോർട്ടൽ ഉണ്ടാക്കിയാൽ ഓർഡർ ചെയ്യുന്നവർക്ക് മാത്രമല്ല കേക്ക് ഉണ്ടാക്കുന്നവർക്കും ഗുണമുണ്ട്. ഒന്ന് അവർക്ക് കൂടുതൽ കച്ചവടം കിട്ടുന്നു. അടുത്തത് അവരെല്ലാം തന്നെ ഓർഡർ കിട്ടുമ്പോൾ എവിടെയെങ്കിലും എഴുതി വയ്ക്കുക ആണ് പതിവ്. അവർക്ക് ബുക്കിങ് സ്വീകരിക്കാൻ ഒരു ആപ്പ് കൂടി ഉണ്ടെങ്കിൽ വളരെ എളുപ്പമാണ്. ആരും കേക്ക് ഒത്തിരി ദിവസം മുന്നേ ഒന്നും ഉണ്ടാക്കില്ല, മിക്കവാറും തലേ ദിവസം ആയിരിക്കും ഉണ്ടാക്കുക, ഒരുപാട് ഓർഡർ ഉണ്ടെങ്കിൽ ചിലത് മറന്നു പോകാൻ സാധ്യത ഉണ്ട്. ആപ്പ് ആകുമ്പോൾ അലെർട് ഒക്കെ ഉണ്ടാകും, അതുകൊണ്ട് എല്ലാം കൃത്യമായി നിർമ്മിച്ചു നൽകാൻ കഴിയും. പിന്നെ വരവ് ചിലവ് കണക്കുകൾ എല്ലാം ട്രാക്ക് ചെയ്യാനും ഇത് ഉപകരിക്കും. ഇൻകം മോഡൽ ആയി ഓരോ സെയിലിന്റെയും കമ്മീഷൻ അല്ലെങ്കിൽ മാസ വരിസംഖ്യ എന്ന രീതിയിൽ പ്ലാൻ ചെയ്യാവുന്നതാണ്. ഡെലിവറി ഒക്കെ അവർ തന്നെ നടത്തുകയോ അല്ലെങ്കിൽ അതിനും കൂടി ഒരു സംവിധാനം ഒരുക്കുകയോ ചെയ്യാം. അതായത് ഓരോ പ്രദേശത്തെ…