John Wick

ഭാര്യയെ ജീവന് തുല്യം സ്നേഹിക്കുന്ന ഒരു ഭർത്താവ്, എന്നാൽ അവരുടെ സന്തോഷം ഇല്ലാതാക്കികൊണ്ട് ഭാര്യ അസുഖം വന്ന് മരണത്തിന് കീഴടങ്ങുന്നു.

ഭാര്യയുടെ മരണശേഷം അയാൾക്ക് ഒരു പാർസൽ ലഭിക്കുന്നു, അതിൽ ഒരു പട്ടിക്കുട്ടി ആയിരുന്നു, അയാളുടെ ഭാര്യ മരിക്കുന്നതിന് മുന്നേ ഏർപ്പാട് ആക്കിയതാണ് ആ പാർസൽ. അയാൾക്ക് ജീവിതത്തിൽ എന്തെങ്കിലും ഒരു ഹോപ്‌ വേണമെങ്കിൽ ജീവനുള്ള എന്തിനെയെങ്കിലും കൂടി സ്നേഹിക്കണം എന്ന് അയാളുടെ ഭാര്യ വിശ്വസിച്ചിരുന്നു.

ജീവൻ ഇല്ലാത്ത ഒരു വസ്തുവിനെ കൂടി അയാൾ ഇങ്ങനെ സ്നേഹിക്കുന്നുണ്ട്, ഒരു പഴയ വിന്റെജ് മോഡൽ സ്പോർട്സ് കാർ ആയിരുന്നു അത്. അങ്ങനെ നായക്കുട്ടിയെ വളർത്തി അയാൾ തന്റെ ജീവിതം മുന്നോട്ട് കൊണ്ടുപോകാൻ തുടങ്ങുമ്പോഴാണ് അത് സംഭവിക്കുന്നത്. ഒരു പെട്രോൾ പമ്പിൽ വച്ച് അയാളുടെ കാർ കാണുന്ന കുറച്ചു യുവാക്കൾ അതിന് വില പറയാൻ ആവശ്യപ്പെടുന്നു.

എന്നാൽ അവരുടെ ആവശ്യം നിരാകരിച്ചുകൊണ്ടു അയാൾ അവിടെ നിന്ന് വീട്ടിലേക്ക് മടങ്ങുന്നു. എന്നാൽ ആ യുവാക്കൾക്ക് മതിയായിരുന്നില്ല, അവർ അയാൾ അറിയാതെ അയാളെ പിന്തുടർന്ന് വീട് കണ്ടെത്തി അപ്രതീക്ഷിതമായി അയാളെ പിന്നിൽ നിന്ന് അടിച്ചിട്ട് ആ കാറുമായി കടന്ന് കളയുന്നു.

വെറുതെ അങ്ങ് പോകുകയല്ല, അയാൾക്ക് ഭാര്യ അവസാനമായി നൽകിയ ആ നായക്കുട്ടിയെ അയാളുടെ കണ്മുന്നിൽ ഇട്ട് കൊന്ന് കളഞ്ഞിട്ട് കൂടിയാണ് അവർ അവിടം വിടുന്നത്.

ഇത്രയും വരെ ഇതൊരു സാധാരണ സിനിമ മാത്രമാണ്. പിന്നീട് ആ യുവാക്കൾ ആരാണെന്ന് കാണിക്കുന്നു, അവരിൽ ഒരുവൻ അവിടത്തെ ഏറ്റവും വലിയ ഗാങ്സ്റ്റർ ആയ വീഗോയുടെ മകനാണ്, തന്റെ മകൻ ഒരു കാർ മോഷ്ടിച്ചു എന്നും അത് ഇന്ന ആളുടെ ആണെന്ന് കൂടി കേൾക്കുമ്പോൾ വീഗോയുടെ മുഖത്തു വരുന്ന ഒരു ഭാവമുണ്ട്.

തുടർന്ന് അയാൾ തന്റെ മകനെ വിളിച്ചു വരുത്തി സൽകരിച്ച ശേഷം നല്ല രണ്ട് ഇടി കൊടുക്കുന്നു, അവൻ ഇടികൊണ്ട് നിലത്തു വീണു കഴിഞ്ഞു വീഗോ അവനെ ചേർത്ത് പിടിച്ചു കുറച്ചു കാര്യങ്ങൾ പറയുകയാണ്.

അവൻ ആരെയാണ് നോവിച്ചതെന്നും അയാൾ യഥാർത്ഥത്തിൽ ആരാണെന്നും, സകല ഗംഗസ്റ്റർമാരും ഒരു കാലത്ത് ഭയത്തോടെ കണ്ടിരുന്ന സാക്ഷാൽ ബാബ യാഗ എന്ന് വിളിപ്പേരുള്ള

“John Wick”

വീഗോയുടെ സാമ്രാജ്യം തന്നെ അടിത്തറ ഇട്ടത് ജോണിന്റെ ഒറ്റയാൾ പോരാട്ടത്തിന്റെ പുറത്തായിരുന്നു, എന്ന് തുടങ്ങുന്ന വളരെ ലളിതമായ ഏതാനും കാര്യങ്ങൾ മാത്രം നമ്മോട് പറയുന്നു. പക്ഷേ അത് മാത്രം മതി ജോൺ ആരായിരുന്നു എന്ന് നമ്മൾക്ക് മനസിലാക്കാനും ഇനി എന്താണ് സംഭവിക്കാൻ പോകുന്നത് എന്ന് ജിഞ്യാസ ഉണ്ടാക്കാനും.

സാമാന്തരമായി നമ്മളെ ബോധം തെളിയുന്ന ജോണിനെ കൂടി കാണിക്കുന്നു, അയാൾ എഴുന്നേറ്റ് ഒരു ചുറ്റികയുമെടുത്തു അകത്തെ മുറിയിലേക്ക് പോകുകയാണ്. തുടർന്ന് ഒരു മേശ വലിച്ചു മാറ്റി തറയിൽ ശക്തിയായി അടിക്കുന്നു.

ഇനി ഒരിക്കലും ആവശ്യം വരില്ല എന്ന് കരുതി അയാൾ കുഴിച്ചു മൂടിയ തന്റെ പഴയകാലത്തെ ചില സാധനങ്ങൾ തിരിച്ചെടുക്കാൻ വേണ്ടിയാണ് ഇതെന്ന് നമ്മൾ കാണുന്നതിന് ഒപ്പം തന്നെ വീഗോ കഥ പറഞ്ഞു അവസാനിപ്പിക്കുന്നു.

അയാൾ തന്നെ തന്റെ മകനോട്, നിന്നെ രക്ഷിക്കാൻ ഞാൻ ഏതറ്റം വരെയും പോകും എന്നാലും നിനക്ക് ഇനി രക്ഷയില്ല…

യാതൊരു വിധ സംഭവങ്ങളും വീര സഹാസങ്ങളും കാണിക്കാതെ വളരെ ചുരുങ്ങിയ വാക്കുകളിൽ ഒരാളുടെ പഴയകാലം വർണ്ണിച്ചു നമ്മൾക്ക് രോമാഞ്ചം നൽകാൻ കഴിയുന്നുണ്ടെങ്കിൽ ആ സിനിമയുടെ ബാക്കി എങ്ങനെ ഉണ്ടാവുമെന്ന് ഒന്ന് ചിന്തിച്ചു നോക്കിക്കേ..

അതുവരെ ഒരു സാധാരണ രീതിയിൽ പോയ സിനിമ പിന്നെ അവിടെ നിന്ന് അങ്ങോട്ട് ഹോളിവുഡ് കണ്ട ഏറ്റവും മികച്ച ആക്ഷൻ സിനിമകളിൽ ഒന്നിലേക്ക് പരകായപ്രവേശനം നടത്തുകയായിരുന്നു.

John Wick ന്റെ യാത്ര അവിടെ ആരംഭിക്കുകയാണ്, പിന്നീട് നാല് ഭാഗങ്ങൾ കഴിഞ്ഞു ആ കഥാപാത്രത്തിനു യോജിച്ച ഒരു അവസാനം കൂടി നൽകുന്നത് വരെ ജോൺ വിക്ക് ഒരു നിമിഷം പോലും വെറുതെ ഇരുന്നിട്ടില്ല, അത്രക്ക് ചടുലമായി പോകുന്ന കഥയും അവതരണവും. സഹായിക്കാൻ ഇടക്ക് സുഹൃത്തുക്കൾ വരുന്നുണ്ടെങ്കിലും ജോൺ എപ്പോഴും ഒറ്റക്കാണ്, ഗാങ്സ്റ്റേഴ്സ് പോലും ഭയക്കുന്ന

The real monster…

വമ്പൻ ഹൈപ്പിൽ വന്ന ലിയോ ഒക്കെ പോലും ഫ്ലാഷ്ബാക്ക് കാണിച്ചപ്പോൾ നെഗറ്റീവ് അടിച്ചു, അപ്പോഴാണ് ഇവിടെ പഴയ കഥ ഒരു സീൻ പോലും കാണിക്കാതെ ഒരു കഥാപാത്രം പറയുന്ന ഏതാനും വാക്കുകൾ കൊണ്ടു മുഴുവൻ സിനിമയെയും മറ്റൊരു തലത്തിലേക്ക് കൊണ്ടെത്തിക്കുന്നത്.

വെറുതെ ആക്ഷൻ സിനിമ ആണെന്ന് കരുതി കാണാതെ ഇരിക്കുന്നവർ ഉണ്ടെങ്കിൽ ഒന്ന് കണ്ട് നോക്കുക, കാരണം ഒരു പട്ടിയെ കൊന്നതിനു പ്രതികാരം ചെയ്യാൻ പോകുന്ന John Wick എന്ന് ഒരുപാട് meme കണ്ടിട്ട് വെറും ആക്ഷൻ പടമെന്ന് കരുതി കാണാതെ ഇടുന്നതാണ്. പിന്നെ എപ്പഴോ മുകളിൽ പറഞ്ഞ ഭാഗം ഒന്ന് കേൾക്കാൻ ഇടയായി, പിന്നെ കണ്ട് നോക്കി, നാലാം ഭാഗം തിയേറ്ററിൽ തന്നെ പോയി കണ്ടു.

വെറുതെ ആക്ഷൻ മാത്രമല്ല ഒരുപാട് ഇമോഷണൽ കണക്ഷൻ നൽകുന്ന രംഗങ്ങളും സിനിമയിലുണ്ട്. എന്തിനും പോന്ന സുഹൃത്തുക്കളും..

എന്തിനേറെ നാലാം ഭാഗത്തിന് ഒടുവിൽ ജോൺ തന്റെ സുഹൃത്തിനോട് ഒരു കാര്യമേ ആവശ്യപ്പെടുന്നുള്ളു..

താൻ മരിക്കുക ആണെങ്കിൽ തന്നെ അടക്കം ചെയ്യുന്ന കല്ലറയിൽ ഒരു വാക്യം എഴുതി വയ്ക്കണം..

“Loving Husband”…